Биография

Somos amantes da música dende que temos recordo. Dende antes de divisar as primeiras luces do que hoxe chamamos mundo. Deixamos que estilos como o metal ou a música latina influisen nas nosas músicas a día de hoxe, o que misturado co tradicional da cultura dos nosos pobos resulta nunha bomba de emocións. Conseguimos unir todas esas influencias para crear sons sinestésicos e electrónicos que conxuntamos con interludios poéticos que nos definen. Somos tres lontras cun soño en común: expresar. Héctor é de Moaña e vive rodeado de natureza. Cando era pequeno insistiu en aprender a tocar o piano e a súa nai conseguiu metelo na escola de música. O verán pasado descubriu que o estilo que todo o mundo busca é tan relativo que cando o atopas igual nin lle podes poñer nome. Non deixa de investigar e estudar, e agora mesmo a producción musical é o tema que rodea a súa vida. Ás cordas únese Iván Barral (Meis), quen de pequeno quixo cambiar o seu scalextric por unha guitarra coa que tocar e aprendeu por el mesmo porque lle daba vergoña ir a clases sen saber nada. Tras un longo recorrido por puntos grupos de metal ou versións, chegou a unha lontreira maravillosa que o acolleu cos brazos ben abertos. Adriana é da Illa de Arousa. O seu traballo é expresar en forma de melodía e de poemas que non poderían casar mellor co don das demáis lontras. Dende pequena afirma ver poesía en todo. Viaxa en segredo en busca de inspiración e a fusión de todo o recopilado deriva nunha apnea colectiva.