Kári blæs, í kvistum kvæs Kuldalegt er svona Lægðin er og Lægðin fer Og Lægðin er að koma Skólakerfið verst í vök Valdastétt sig æsir En Stelpur eru stressuð flök Og strákar ekki læsir Þokusuddi, súld og slabb Sumarið er aprílgabb Skuldasúpa, skólp í sæ Skellum áli í sérhvern bæ Allt er nú á uppleið hér En fatlað fólk má fokka sér Stöðu lífeyris er leynt Lánadrottinn steypir Vesaling í vaskinn beint Hann verðtryggingin gleypir. Kuldaboli bítur búk Börnin húka inni Nammigrísir, noccosjúk Nóg er sagt að sinni Þokusuddi, súld og slabb Sumarið er aprílgabb Skuldasúpa, skólp í sæ Skellum áli í sérhvern bæ Allt er nú á uppleið hér En verkafólk má fokka sér