Montserrat Figueras - Canço: "A chantarm’er de so" - текст песни и слова, похожие исполнители

Kishore Kumar Hits — Montserrat Figueras - Canço: "A chantarm’er de so" текст песни

Исполнитель: Montserrat Figueras

альбом: The Voice of Emotion

A chantar m'er de so qu'ieu non volria
Tan me rancur de lui cui sui amia,
Car ieu l'am mais que nuilla ren que sia:
Vas lui no .m val merces ni cortesía
Ni ma beltatz ni mos pret ni mos sens,
C'atressi .m sui enganad'e trahïa
Com degr' esser, s'ieu fos desavinens.
D'aisso.m conort car anc.non fi faillenssa,
Amics, vas vos per nuilla captenenssa,
Anz vos am mais non fetz Seguis Valenssa,
E platz mi mout quez eu d'ámar vos venssa
Lo mieus amics, car etz lo plus valens
Mi faitz orguoill en ditz et en parvenssa,
E si etz francs vas totas autras gens.
Be .m meravill com vostre cors s'orguoilla
Amics, vas me, per qu'ai razon qu'ieu .m duoilla;
Non es ges dreitz c'autr'amors vos mi tuoilla
Per nuilla ren qu'ie .us diga ni acuoilla;
E membre vos cals fo .l comenssamens
De nostr'amor! Ja Dompnedieus non vuoilla
Qu'en ma colpa sia .l departimens.
Proesa grans qu'el vostre cors s'aizina/
E lo rics prtez qu'avetz m'en ataïna,
C'una non sai, loindana ni vezina,
Si vol amar, vas vos non si' aclina;
Mas vos, amics, etz ben tan conoissens
Que ben devetz conoisser la plus fina,
E membre vos de nostres covinens.

Поcмотреть все песни артиста