求神切斷世間迷戀
降伏千百夜叉惡鬼
孽鏡台前斟酌審判
嚨喉出力講袂出聲
大鐵圍山無間地獄
火燒獄城十萬八千
越頭看無來時的路
明王指引頭前光明
若是講 我看天無望
坦白講 嘛望地無路
一个人 無喙嘛無舌
孤身流轉 佇北陰酆都
陰風中 聽枵鬼咧爬
心驚驚 見十殿閻君
戇戇踅 等烏白無常
向腰牽我 攝我的亡魂
頭犁犁的少年家 你欲越去佗位
滿面風霜 拄著 百千萬劫
敢是予鬼仔煞 櫳仔內面的人
無名無姓 恬恬 予人擲佇塗跤
♪
凡勢是意外 抑是生來註定
敢若一場夢 規身軀輕鬆
火王爺現身 目睭擘金金
煩惱攏烌去 無白色的水
複製你的愛 複製你的勇氣
複製你的眼 複製你的靈魂
複製你的淚 幻化阿修羅
代你堪一切 絕望的火
轉輪聖王起身 守護無命人客
遠遠的聲傳來 伊的祈求
眾神攑燈相送 看顧有情眾生
一生珠淚落塗 路邊紅花清芳
佇隱痀橋終點 是自由的向望
望你會當平平安安
放袂記的人生 有月娘咧照路
祝你行過一世人的傷悲
拔開你手內 彼縛牢的鐵鏈
無傷無痕 袂閣疼矣
拍毋見的身軀 攏揣倒轉來
頭前有人 咧等你