De los filos de les ñubes
Y el pingar de los neveros
A la so suerte ñacíos
Llibres al pasu del tiempu.
De les firíes trazaes
Nel so correr de los sieglos
De les fontes y banzaos
Y del so pasao presos.
Al son de naide
A la mar vanse los ríos,
A la mar vanse con aire.
Preñaos de muerte na oriella
De fueyes y mofu enceso,
De raigaños arrincaos
Y de tanta vida dientro.
Endolcaos en capa verde
Llenos de tantu requexu
Onde se gasta la piedra
Hasta facese areneru.
Al son de naide
A la mar vanse los ríos,
A la mar vanse con aire.
Buscando abrise camín
Pente les peñes ruxendo
Aselando nes riberes
Amos tamién del silencio.
Aneciando nel so curso
Siguiendo'l so viaxe eternu
Más creyentes de la mar
Que de milagros del cielo.
Al son de naide
A la mar vanse los ríos,
A la mar vanse con aire.
Al son de naide
A la mar vanse los ríos,
A la mar vanse con aire.