Биография

Skama la Rede ye, quiciabes, el grupu abanderáu de la segunda xeneración del llamáu "Rock Astur". La banda, nacida n'ochobre del 2003, recueye'l testigu y bebe directamente de bandes tovía n'activo como Dixebra y Los Berrones, qu'entamaron esti movimientu a mediaos de los años 80. La formación, que supo influenciase y adaptase, tien conseguío un soníu propiu y reconocible qu'amiesta'l ska y el punk como principales ingredientes pero con dosis xustes y bien aprovechaes de rock, reagge y folk nes que destaca la utilización de dos instrumentos de vientu bien estremaos: la trompeta y la gaita tradicional asturiana. Pero si dalgo caracteriza a Skama La Rede ye l'empleu esclusivu de la llingua asturiana nes sos lletres, amás de ser un grupu de denuncia y crítica social, espíritu combativu, mirada internacionalista ensin escaecer lo local y con un evidente sentíu del humor a la hora d'espeyar les sos lletres. Podríemos dicir que los testos de la banda son una especie de crónica moderna de l'actualidá d'Asturies y del mundu na última década. Con cuatro discos publicaos, esti 2019 van dir publicando nuevos cantares nes plataformes dixitales pa cellebrar 15 años de trayectoria. Discografía a la venta en www.musicasturiana.com