Bilûra min a şîrîn
Tu di sariya sibê de û hingûra êvarê de
♪
Hevalê bêhevalan
Destbirayê şivan û dilketiyan î
Dengê te hêstirên dilê xemgînan
Silava ji hev veqetiyan
Girîn û zarîna dilketiyan
Tîne bîra min
Bilûra min
Tu yî xemrevîna terkeserên dinyayê
♪
Dengê bilûra min
Çiya û zozanên bilind in
Kaniyên bi gul û rihan dorgirtî
Guhê şkeft û serê zinaran
Guhdarên te ne, bilûra min
Û sira bayê xerbî
Te di nav pelên darê de digerîne
Bilûra min
Were em ê bi wî çiyayê bilind re bi hewa kevin
Bibin cîranê bayên xurt
Hevalê kimtên wan yên bi mij û dûman
Tê de dengê xwe berdin
Zarîna dengê me bikeve nav kortal û geliyan
Û bêcaniya erdên jêrîn bihejîne
Pêlên ava heftrengên xemzebaz
Nalîna me bigehîne deşta Sirûç û Dîyarbekirê
Û kalîna berxan tev şehîna hespan
Li me vegerînin
Bilûra min
Bilûra min, bilûra min, bilûr, bilûra min, bilûra min, bilûra min, bilûra min, bilûra min
♪
Bilûra min, binêre û bibihîze
Roj çû ava, stêra êvarê bû geş
Kolosên çiyan ên gewr
Û hewraniyên wan ên sor û zêrîn bûne çûn;
Û pêlên ava şevên reş
Ketine deşt û newalan
Heta rûyê gir û kepezan di Qeraca de
Kevir piyê şevgera dixapîne
Û bêdengiya şevê de
Pêjna lingên mêrxasan tê.
♪
Bilûra min
Dengê xwe berde dinyayê
Mîna zarokekî berşîr
Ket dergûşa xwe dengê xwe berde
Bilûra min û jê re bilorîne, bilûra min
Xema wê birevîne, bilûra min tu yî xemrevîna terkeserên dinyayê;
Û li rohelatî dema ko dinya hişyar dibe
Ji xew radibe, ji me re strana azadî û serbestiya Kurdistanê binehwirîne
Û dengê wê stranê, bila mîna tîrêjên rojê pak û zêrîn bikeve nav dil û guhên me, bilûra min,
Tu yî xemrevîna dilketiyên welêt
♪
Bilûra min, bilûra min, bilûra min, bilûra min
Bilûra min, bilûra min, bilûra min
♪
Bilûra min
♪
Bilûra min
♪
Bilûra min, bilûra min
♪
Bilûra min
♪
Bilûra min
♪
Bilûra min, bilûra min