Umehange - umeschtah
Wär seit wohäregah
Wär seit wo's düregeit
Was isch wo agseit
Wäre fahrt mit welem mit
är het e heisse schlitte
är isch ne sowieso
Hanspeter - i wott mitcho...
är findets heiss we me si name uf französisch seit
är isch es gräui erschiinig öb'r hocket oder schteit
2 meter ohni rouschueh
Dermasse bi figur
E maa wienes ärdbebe
Steu dr mau vor du loufsch mit dim meitschi dür d'schpitugass
U ihri aute si am see u sie verzeut grad
Dass daheim e fläsche rosé im chüeuschrank schteit
U re ds puff i dere schtadt uf e wecker geit
U jitz nimmsch none biss vo dim whoppercheese
U überleisch dr scho mau
Rein präventiv
Was di dene i dr bude seisch we d'morn am morge ufschteisch
U weisch dass d'di jitz lieber no zu ihre leisch
Jitz wosch ere grad säge wo dis velo schteit
U merksch wie dr dr whopper uf d'sandale gheit
Ghörsch reiffe quiitsche
Gsehsch zwedrei meter chrom u bläch u drinn dr hanspeter
U du gsehsch wie sie iischtigt
Wie sie näbenang hocke
är isch dr king - du hesch dr burger i de socke
Hanspeter
Früecher oder schpäter chunnt dr hanspeter
Hanspeter i warne di
Hanspeter i hasse di
Hanspeter u nid nume i
Hanspeter gang furt vo hie