We aube öpper z'Bsuech isch cho
Won'i no e Bueb bi gsi
Het's immer öppis z'Mittag gäh
U när isch me ghocket bis am drü
U het gässe u verzeut
U auti Gschichte vüre gno
U när dr Job u d'Familie u d'Ching
U när sy di Frage aube cho
Was wosch de du mau wärde?
Hesch dr scho öppis überleit?
I hätt nie gwüsst was säge
U ha aube irgendöppis gseit
E Fiumstar oder Cowboy
Oder Indianer oder Gloon
Eifach so Seich wo sy wei ghöre
Ire settige Situation
Aber gstumme het das natürlech nid
I ha mer nume nüt wöue verderbe
I ha genau gwüsst wases mau us mir git
I ha wöue Italiäner wärde
I weisses nümm so gnau
Wieni denn druf bi cho
I ha gloub keni Italiäner kennt
Di sy denn ja ersch grad ufecho
Aber i ha ne aube zuegluegt bim Bügle
U sy hei mi eifach super dünkt
Aber am ne Sunntig Mittag i de Sächzgerjahr
Machsch mit däm natürlech nid viu Pünkt
Aber gstumme het das natürlech nid
I ha mer nume nüt wöue verderbe
I ha genau gwüsst wases mau us mir git
I ha wöue Italiäner wärde
I ha wöue Italiäner wärde
I ha wöue Italiäner wärde
I ha denn wöue Italiäner wärde
I ha wöue Italiäner wärde
I ha wöue Italiäner wärde