E nöji Stadt, e nöji Hotelbar
Wie dä Typ us däm Film chumen i nie meh aa
Me het nid emau e nöji Kulisse gstellt
U i ha so wie geng e Mojito bstellt
När fragt är, bisch du eleini da?
Paar Gläser speter, i gseh wider klar
När bisch du hei, hesch öppis mit mir gmacht
U vilech gseh mir üs morn Nacht
Wenn chunsch du, wenn chunsch du verby?
I warte hie scho lang uf di
I ha di gsuecht Tag für Tag
So vil Tröim scho gmacht
Vilech passiert's scho morn Nacht
Was hesch du mit mir gmacht?
E nöje Abe, di glychi Bar
Bis jetz bisch du no geng nid da
Dr Pianischt het scho e Sprung ir Platte
Oder i bi scho z lang uf üses Lied am Warte
När bisch da gsi, wi us em Nüüt
Für mi isch klar gsi, was passiert
Ohni Wort hei mir üs aues gseit
U i wett, dass dä Momänt hie nie vergeit
U jetz chunsch du, jetz chunsch du verby
I warte hie scho lang uf di
Dr Drink für di han i parat
So vil Tröim scho gmacht
Vilech passiert's ja hütt Nacht
Vilech passiert's ja hütt Nacht
E nöje Tag und du wachisch wider uuf näbe mir
Wi im ne Troum, aber irgendwie so ächt mit dir
Später zämen am Zmorgetisch
Wüu's nach eire Nacht nid düren isch
No lang nid, no lang nid düren isch
U jetz bisch du, jetz bisch du bi mir
Es isch alles so liecht mit dir
Mir hei es Schild a üsi Türe ta
Öppis Nöis aafa
'S cha alls passiere hütt Nacht
Hütt Nacht
Was hesch du mit mir gmacht
'S cha alls passiere hütt Nacht
Hütt Nacht