Udaberria iritsi zaigu
Negu maltzurrak utzi gaitu
Egun ilunak goibel bihotza
Eguzkiari kaixo lagun.
Hostoak orbel bihurtu ziren
Ihazko udazken hain tristean
Lorerik ez zen zutik geratzen
Negu beltzeko ekaitzpean.
Udaberria etorri dela
Kukuak kantuz dio baietz
Pagadietan, sagastietan
Zuhaitzak dira lore amets.
Eguzki maite bero gaitzazu
Egun argia iristean
Kimu berriak lora daitezen
Enbor zaharren gerizpean.