I pfeif drauf, loss ois liegn und steh
Start mei oide Kraxn
I hau mi auf die Siebzehna
Und tua ois ob i Siebzehn wa
Vielleicht foa i noch Faak am See
Oda glei noch Udine
Do foit ma ei, es is long her
I woa scho vü z'long ned am Meer
Lido, Sole, Sonnebraund
Hauptsoch auße aus'm Gwaund
Nur kurz eine in die Wön
Auße an Bikini stöhn
Tretbootfoan und Sandburgbaun
Eisschleckn und Weibaschaun
I brauch nur ans, des is ma kloa
An Urlaub so wias friacha woa
Coco Bello heast eam schrein
Scho in olla fruah
Kaufst Kokosnuss und Haundtiachl
Kriagst Kronen Zeitung glei dazua
Im haßn Saund laufst hechstns gfoah
Dass'da d'Fiaß vabrennst
Oda dass du di in Mitten
Millionen Sonnenschirm varennst
Liegestui und Sonnenbrün
A Thermobox zum Biereinkühn
Nomoi eine in die Wön
Bikinioberteile zöhn
Luftmatrotzn, Sonnencreme
Ka Telefon und ka Problem
I brauch nur ans, des is ma kloa
An Urlaub so wias friacha woa
Des Wossa in da Adria
Bacherlwoam und seicht
So schnö kaunst so ned untagehn
Noch an Campari z'vü vielleicht