I foa auf da Mopettn mit ana zachn Lettn
I wü mi ned verspätn zu mein Tinder Date
Um Ochte muaß i durt sei und murgn wieda furt sei
Des warad ned aso wauns kane Kinder hätt
Sie sogt sie is ned ane, die wos jede Banane
Die ihr üwan weg rennt in ihr Obstschoin legt
Mit de Gschroppn rennts in Proda, jedes hot an ondan Voda
Doch des san Details, darüber wird ned gredt
Ob Traumprinz oda Liebesknecht
Egal wos d'wüst, i mochs da recht
I bin dei true love, für zwa drei Nächt
Des wird garantiert ned schlecht
Meine feelings de san echt
Im Tinder-Teich find i mi zrecht
Do bin i da Hecht
De Jaqui fünfunddreißig, schreibt a täglich fleißig
Natürlich nur mit mir, dazöhts ma bei an Bier
Sie sogt sie wü nix Fixes, nur gern wos in da Bixn
So hüf i hoit wo i kau, und scho bin i bei ihr
Die Niki und die Vicky, die Kathi und die Ricky
Stengan übranaunda in mein Chatverlauf
I kum ned noch mim Tippn, wos san denn des fia Sittn
I wisch imma noch Rechts, weu meistns kummt nix Schlechts
I kauns goa ned glaubn, dass es sowas amoi gibt
In die Jenny neunundzwanzig hob i mi verliebt
Sie is a Tindarella, a woahre Tinder-Queen
Sie wischt no so vü schnölla, do kumm i nimma hin
Zur gleichen Zeit zehn Hawara hots in ihrem Chat
Und mindestens so vüle in ihrem Himmelbett
Jetzt geht's ma so richtig schlecht
Ihre feelings woan ned echt
Sie woa mei true love, für zwa drei Nächt
I find des richtig ungerecht
I hob olle Trangln blecht
Gaunz egal, wen sie a mecht
Sie angelt jeden Hecht