Kishore Kumar Hits

Los Berrones - A Dos Nenos текст песни

Исполнитель: Los Berrones

альбом: República Independiente de Tolivia


Un nenín pequeñu
Llora abrazáu a so madre,
Llantos y allaríes,
Gritos que corten l'aire.
Y hai otru hermanu más grande
Que pregunta por so pá.
Pasa algo raro en so casa
Pero naide-yos diz ná.
¿Cuándo vien mio pá?
Yo quiero que venga de trabayar...
¿Ónde ta mió pá?
Yo quiero que venga conmigo a enredar...
Güei pasó algo gordo,
Nun los mandaron pa escuela.
Ta mui seriu'l güelu,
Ta como lloca la güela.
Ta enllenándose la casa
De parientes y allegaos,
Lleguen corones y ramos,
Hai flores per tolos llaos.
(Y de flores ta tremao)
¿Cuándo vien mio pá?
Maldita la mina,
Que cambia trabayu
Por cachos de vida.
Maldita la mina
Que trae'l dineru
Y trae la ruina.
Faltóte esa suerte
Qu'a veces tenemos...
Dexasti'l pelleyu,
Una viuda y dos nenos.
Mal día y mala suerte.
Los nenos entruguen
Y nun hai respuestes.
¿Cómo hai qu'esplicalo,
Con qué tactu, con qué tientu?
Cuénta-y tu a esos nenos
Que so padre ta nel cielu
Cuando te miren de frente
Y quédense arremellaos,
Cuando abaxen la cabeza
Llorando desconsolaos.
¿Cuándo vien mio pá?

Поcмотреть все песни артиста

Другие альбомы исполнителя

Похожие исполнители