Anas Maghrebi - الرقصة - текст песни и слова, похожие исполнители

Kishore Kumar Hits — Anas Maghrebi - الرقصة текст песни

Исполнитель: Anas Maghrebi

альбом: دفتر ليلي

رح إحكيلك كل شي
من لما أخدني البحر و نفدني من الحاجز
و بلعت الرجفة الأولى ، و فكرت حالي جاهز
باستني النار و رمتني ف عم شوفا من بعيد و إركد
طوفان نوح مسابق السفينة
شغلك مع مهرب و تارك قلبك رهينة
و كل ما خلصت السكرة بطول السما و بسجد
عم بحكيلك و يا ريت الحكي بفيد يا عمي
طارت بالهوا العنزة ال كانت بتشق جبال
عم بتقيس الأرض بالسما و تدور على عشا
علقت ب زحمة الأسراب و فتنتها كترة الأشكال
عم تنفش وبرها ريش و غربتها خانقة وشا
شعل حنينا باب للسما مسكر ع نفسو غال
حق هاد ولا ضربة خيال و الدنيا عم بتغشا؟!
عم بحكيلك و يا ريت الحكي بفيد يا عمي
سهم رايح على نفس الهدف بس من تاني طرف
و كل شي بتفكر فيه بيصير ، فردك شاعر جمعك تكسير
خايف ليكون الباب اللي سكرتو انفتح
ب نص الكفر بتسمع تكبير ، قمحك عم بتعدو شعير
عم بحكيلك و يا ريت الحكي بفيد يا عمي
و بتعتم ب قلب الضو على غفلة
أبصر فعل حاضر قلم مرفوع عن ورقة
ما عاد يرتوي العطش ب مي معصورة من خرقة
و خلصت الرقصة ب أول الحفلة

Поcмотреть все песни артиста