Jhoothi duniya
Jhootha dera
Jhootha hai ye jag ka phera...
Moh bhi jhoothi
Maya jhoothi
Mrityu hai ek satya akela...
Bhatak raha kyu vyarth fakeera,
Na kismat kuch, na hi lakeera
Udhaar ki ye zindgi hai,
Sikke kitne jutayega!!
Karmo ka sab khel hai jag ye...
Doob ke moti payega.
Jo aaya vo jayega...
Baki yahi rah jayega...
Jeeteji kya ant se darna
Dar kar kya jeena hai jeena!!
Shiv-Shiv
Shiv-Shiv
Shiv-Shiv
Shiv-Shiv
Shiv-Shiv
Raja-rank ka dhong kya karna,
Mitti sabka ant thikana.
Teen pahar bas raushan jag ye...
Phir sooraj dhal jayega.
Jo aaya vo jayega.
Baki yahi rah jayega
Aadi hai mrityu
Anant hai mrityu
Khauf nahin jivant hai mrityu
Jag bole ke ant hai mrityu!!
Par mai bolu...
Prarambh hai mrityu.
Hath mein pani sa ye jeevan
Pal bhar mein bah jayega.
Rishte chaahe laakh bana le
Chaar kandho par jayega.
Kagaz ki kashti si duniya
Kab tak ise bachayega...
Jo aya vo jayega.
Baki yahi rah jayega
Swarg yahi hai nark yahi hai...
Jannat dohzakh kuch fark nahi hai...
Pehchan teri karm se hai...
Bina karm koi tark nahi...