لانى بحبك اكتر بسيبك تقولي بحبك اكتر ما انا عايزك مبسوطه مش اكتر
بسعى لده ع قد ما بقدر
لا
كل ما اجى انام فوق صدرك اشوف عليه جماجم
اذاى انا تانى فارس لما كل الناس دى ماتت
اسكت
اسحبينى بعنف للعمق اللى بغرق فيه
طول ما انا ميت فيكى مش محتاج للاكسجين
بس
الواقع غامق فى الواقع فمتداريش غمقانه
احمد بوظ اللوحة خد يا جوكر لونهاله
اهو كده . الاسود لون نفوس الناس اللى هنا
مش قادرة تآمن فـ محتاجة تبقى متأكده
ها
عندك جنة توريهالها ؟ . ولا اعتمادك انها مؤمنة لو كده
فـ الناس هايبة جهنم مش حابة ربنا
لا
طب ليه اسماعيل ساعد ابراهيم وطاطى للسكينه ؟
مش كلهم ابن نوح . نوح مش لوحده ع السفينة
زمن المعجزات انتهى . الناس حاطه القوانين بنفسها
عايز البار كله يصقفلك اشرب الازازة كلها
من امتى شيطانا ادانا . غير اللى نأذى بيه اللى اذانا
سيبونا نأسس اليوتوبيا ع اطراف الغابة
لو فشلنا ادينا حاولنا . ده هيدى الامل لغيرنا
ع الاقل سيب سجاده لغيرك ف اتجاه القبله
معقولة صحتك فبتحاربنى . علشان صاحبتك عايز تسيبنى
انا لولا زرعت فيك الكره كنت ميت قدام مني
انت مش فلتة . ده انا اللى عملتك
ده لولايا مكنتش الناس ادمنت تشوف بعدستك
دى مش عدستى . عدستك انت . انا هنا من زمن .
انت من امتى . خليتنى كرهت كل حاجه . مستغرب ليه من كوني كرهتك ؟
تكرهني انا . تكرهني ليه ؟
ده لولايا انا كان زمانك فين كان زمانك لسه بتكتب سلمى الجزء الالفين
شكراً ليك . كنت مرحلة . بعد كده علاقاتى هعرف اختارها
تصدق حتى اني بفكر وقت ضيقتى الجأ للصلاة!
وانا كنت بعدتك عن ربنا ؟ . لا ده انا قربتك اكتر ليه
انا كرهتك فينا علشان ف الواقع كلنا وحشين
لا دا انت اقنعتنى انى شيطان وكتفتنى علشان معرفش اغير حاجه
فمن ساعتها مفيش حاجه بتتبنى
الدنيا غابة . ما هى اختبار . نفس وانا عليا . وف اختيار
ويمكن توبه بعد جبل ذنوب تنجينا من النار
من امتى شيطانا ادانا . غير اللى نأذى بيه اللى اذانا
سيبونا نأسس اليوتوبيا ع اطراف الغابة
لو فشلنا ادينا حاولنا . ده هيدى الامل لغيرنا
ع الاقل سيب سجاده لغيرك ف اتجاه القبله