بۆ ئەترسی لەوەی ڕۆژێ
ئەم ئەشقەمان ئاشکرا بێت
لە ژوانێکدا بمانبینن
کە تۆ دەستت لە دەستما بێت
بۆ ئەترسی لەوەی ڕۆژێ
نامەیەکتم لێ بکەوێ
یان لە شوێنێک باست بکەم
بڵێم وەک خۆم خۆشم ئەوێ
گیانە ئەگەر ئێمە دڵمان
بۆ خۆشبەختی و کامەرانی
لەم دونیایەدا خولقابێ
ئیتر بۆچی بۆ بترسین
کە مردنی لە ڕێگا بێ
گەر بشمرین بەم ئەشقەوە
دڵنیابە نازدارەکەم
داستانی خۆشەویستیمان
لە مەم و زین کەمتر نابێ