أنا جرحي أنا عذابي أنا همومي
طلوع روحي في صوت نوحي بطول يومي
عن بكايا و دموعي تراب على جفوني
عن جنازة روحي عدموها و رموني
أنا الموت
أنا الموت أنا الألم
أنا الكابوس إللي إتحلم
أنا الدخان إللي إتحرق
إللي الهم عليه إتدلق
أنا الموت أنا الألم
أنا الكابوس إللي إتحلم
أنا الدخان إللي إتحرق
إللي الهم عليه إتدلق
و التراب عليه إتردم
أنا العدم إللي إتعدم
بدون حياة عذابي دايم مالوش دوا
و الدنيا داقت، راقد في قبر من غير هوا
حواليّا شوك كتفلي جسمي عضمي إتنى
و الصرخة طالعة من قلبي، من جوايا أنا
أنا حزني و أنا همومي
أنا الدور إللي مش في دوري
أنا الموت و أنا الألم
أنا الكابوس إللي إتحلم
أنا ميّت أنا مدفون من غير كفن
تحت التراب تايه في نار هراني العفن
أنا إللي دموعي حرقتني
أنا إللي همومي شنقتني
أنا الموت أنا الألم
أنا الكابوس إللي إتحلم!
أنا الموت أنا الألم
أنا الكابوس إللي إتحلم
أنا الدخان إللي إتحرق
إللي الهم عليه إتدلق
أنا الموت أنا الألم
أنا الكابوس إللي إتحلم
أنا الدخان إللي إتحرق
إللي الهم عليه إتدلق
و التراب عليه إتردم
أنا العدم إللي إتعدم