Chom a raio kelien
Lapoused torret ha laerien
Ur vatailhon verien o varailhat
Aet skuizh gant ar veleien
Debrerien tud war hentoù mut
O skoachañ an eil deus egile
Klaskerien vara debrailhet
O tibuniñ marvailhoù
Chom a raio
Amprevaned
C'hwiled o tebriñ gwenneien
Ne vo ket gwezenn ebet ken
Ne Chomo ken nemet mein hag iliav
Treiñ a raio ma zreid treitour
War-zu ar rinieroù seizet
Tremen a rin dreist dezhe
War un orjalenn gammigellet
Me ac'h aio beket ar c'hoad gwadigellet
Da welet ma choma un dra bennaket da welet
Eno e kavin ur vran o vrañsigellat
Klask a raimp derc'hen soñj, derc'hen krog e-barzh
Derc'hen da vont
Chom a raio
Koumoul biskoulet
Toullet ha didoullet
Koulmed skoulmet
Gant ur skoulad skouled
Un heureuchin houarnet
O hurusañ e-barzh ur bed dic'houloù
Ur c'heflusker dirod
Oc'h en om veuziñ e-barzh ur pod
Chom a raio
An derzhienn
A lako ac'hanomp da zerc'hen
Daoust d'ar soñjoù peilhet hag eilpennet
Daoust da dout ar pezh a zo bet difennet
Chom a raio
Ur bagad dridi dindan ma bizied o lenn braille da groc'hen
Lorc'h a vo enne o nijal adarre
Hejet ha dihejet
E vimp plijet gant ar voemijenn
Daoust d'an deñvalijenn
Ne bozimp ket hom malizenn
Klask a raimp derc'hen soñj, derc'hen krog e-barzh
Derc'hen da vont