Ci amparàvate la strada
È lu gestu aggalabatu
A sera ci addurmintava
A vostra parulla brava
Ci amparàvate l'onore
U curagiu è lu duvere
À lu fronte lu sudore
È tutte le cose vere
È u tempu và
È u tempu và
È u tempu sà
Sè la mancava una spera
Mezu à faccende è bisognu
Truvàvate la manera
D'ùn calpighjacci lu sognu
Cusì campàvate ritti
U vostru viaghju umanu
Fèrmanu l'amori scritti
In lu libru paisanu
È u tempu và
È u tempu và
È u tempu sà