U ventu di maghju a deve sapè
C'hè forse un viaghju un aitu pudè
C'hè forse un viaghju, un Santu per tè
Un Santu per tè
Qual'hè chi ti dice aiò capu sù
Circhendu issa porta fiurita quassù
Circhendu issa porta a vita si tù
A vita si tù
Hazia hazia a notte l'ai da francà
Hazia dumane ai da sbuccià
Hazia in terra ai da campà
ùn temi nè fretu nè bughju o chì sà
E toie e lotte ùn sò nate avà
E toie e lotte sò d'eternità
Sò d'eternità
è pocu ti preme chì tempu farà
A toia a speme ùn hè ch'è campà
A toia a speme ci crede è ci dà
Ci crede è ci dà
Hazia hazia a notte l'ai da francà
Hazia dumane ai da sbuccià
Hazia in terra ai da campà
Pè u paisanu in amore di tè
Tù faci verani à più ch'è vulè
Tù faci verani regina di mè
Regina di mè
Chì ghjè chi ti pesa à ùn finisce più
Di chi stella accesa figliola sì tù
Di chì stella accesa misteru dinù
Misteru dinù
Hazia hazia a notte l'ai da francà
Hazia dumane ai da sbuccià
Hazia in terra ai da campà
Hazia