林森北路的暗暝 青紅燈光閃閃熾
路邊攤販兩旁是 料理上等好氣味
相招做陣宵夜去 忽然看見可愛的你
不知怎樣難忘記 到底我是為什麼
莫非我是暗暗思戀你 為你空相思
♪
一見鍾情她不知 所以每暗常常來
路邊攤販兩旁排 山珍海味阮不愛
孤單一個在徘徊 目的希望可愛會來
當面與你來相識 對你表明我心內
不免乎我夜夜在等待 為你空悲哀
♪
三更半暝我一人 誰人了解阮苦痛
路邊攤販兩旁空 燒酒飲落心茫茫
如今單戀是無望 你我無緣可愛的人
不愛擱再站這等 耽誤寶貴的時間
林森北路人人黑樂讚 只有我怨嘆