මේ ඉවුරේ ගිලුනු තාරකාවක් සේ
නෑ ඇසුනේ සොඳුරු ගායනා ඔබගේ
මා හැමදාමත් මග බලා උන්නා සේ
රූ සේයාවත් බොඳ වෙලා ආකාසේ
රිදුනේ මටයි මගේ හිතයි සදා
ගැටුනේ මමයි මගේ හැඟුම් එදා
මා පසු කලා තරු නැති අහසක් ඒ සුව ගමනක් නොවේ
මේ උණුසුමේ මිය යනු බෑ මට ලඳේ
ලා හිරුගේ බිඳුණු වලාකුළු අතරේ
පෑ මුතු සිනා සැඟව ගියා හද ගෙත්තමේ
තොල් පෙති තාමත් ඔබ සොයයි රහසින් වගේ
ආදර ගඟුලක් තනි වෙලා නෙතු දෑලේ
රිදුනේ මටයි මගේ හිතයි සදා
ගැටුනේ මමයි මගේ හැඟුම් එදා
මා පසු කලා තරු නැති අහසක් ඒ සුව ගමනක් නොවේ
මේ උණුසුමේ මිය යනු බෑ මට ලඳේ