Cukup meh penesal dalam ati
Ngenang ulah ti digaga diri
Asai ke udah chukup pemeli
Aku tu dikeduan ditundi
Nuan tu laki penipu nadai ati malu
Sampai ke bakih aku nuan sapu
Peneka nuan aja ngayah ke indu
Kelalu nuan tu udah kelalu
Pandai amat nuan tu bejaku
Ngelamun penyalah diri empu
Landik nuan magi pengerindu
Ngatur jam betemu kin kitu
Patut bala aku mayuh enda setuju
Madah ke nuan tu pengindu
Tang meh jaku sida enda ku peduli
Kumbai ku jaku urang pedis ati
Diatu aku udah nemu
Sapa meh nuan tu sulu
Baka makai sengapa raup
Ngiga tawing sengapa ditangkup
Aruh nuan tu dikumbai
Buyu nyangkai mayuh ambai
Nadai indu ti di ke enggai
Asal bisi endur bepanggai
Kati nuan tu enda malu
Minta tupi urang indu
Pandai nuan ngetan panjuk
Umpan antu rukuk
Bulih nuan diatu endang bulih
Peneka ati ka ngiga lebih
Gagit amat ka ngambi pemedih
Bisi maya raung ila ngalih
Nangi ke nuan aja ila enda nakal
Enti tekena ke indu pintar
Anang nganti udah tepantup ba bandir
Nya baru nuan nyau nemu bepikir
Diatu aku udah nemu
Sapa meh nuan tu sulu
Baka makai sengapa raup
Ngiga tawing sengapa ditangkup
Aruh nuan tu dikumbai
Buyu nyangkai mayuh ambai
Nadai indu ti di ke enggai
Asal bisi endur bepanggai
Kati nuan gu enda malu
Minta tupi urang indu
Pandai nuan ngetan panjuk
Umpan antu rukuk
Bulih nuan diatu endang bulih
Peneka ati ka ngiga lebih
Gagit amat ka ngambi pemedih
Bisi maya raung ila ngalih
Nangi ke nuan aja ila enda nakal
Enti tekena ke indu pintar
Anang nganti udah tepantup ba bandir
Nya baru nuan nyau nemu bepikir