Yo sansai, lamo denai
Tinggakan kampuang
Den tinggakan tapian tampek mandi
Kini baru tajajak pulang
Indak den sangko co iko bana
Riak hati den manggalombang
Batamu Adiak den tagamang
Bataun ungkai kasiah sayang
Nan buah hati
Tatuntuang juo ka Adiak surang
Oi riak galombang
Hapuihkan jajak di tapian hati
Oi hujan nan turun
Padamkan nyalo di badan diri
Santano kok gamang jantuang jo hati
Di laruik malam, ndeh Diak kanduang oi
Bialah denai bujuak
Jo bayang bulan
Tuhan, galak kok tido
Tangih, tolong hantikan
Denai sansai juo
Manolah mungkin sakik-sanang, paubek tido
Denai karam juo, Diak oi
Manolah mungkin tarang, palito tido
Malang kito, Diak kanduang, bacinto
Hanyo punyo cinto
Yo sansai, lamo denai
Bakawan sunyi
Lah denai pusarokan mimpi-mimpi
Kok lah rambang patang hari
Awan bararak den tangisi
Den jaik cabiak, den sulami
Den baluik luko surang diri
Den rintang hati jo banyanyi
Nan malang badan
Tasintuah jajak, Diak oi, padiah juo
Oi hujan nan turun
Padamkan nyalo di badan diri
Oi riak galombang
Hapuihkan jajak di tapian hati
Santano kok gamang jantuang jo hati
Di laruik malam, ndeh Diak kanduang oi
Bialah denai bujuak
Jo bayang bulan
Tuhan, galak kok tido
Tangih, tolong hantikan
Denai sansai juo
Manolah mungkin sakik-sanang, paubek tido
Denai karam juo, Diak oi
Manolah mungkin tarang, palito tido
Malang kito, Diak kanduang, bacinto
Hanyo punyo cinto