Vun'n Haben huult de Dampers
'N Fahn de up halfstock steiht
De griese Heben weent
Wo büst du du de mit mi geiht
Oogen söökt den Himmel
Dat Hart blarrt up'e Grund
De Dood mit swatte Lippen
In een Mantel bontjebunt
In't Flustern vun de Wellen
'N Stimm ik höör dien Woort
Dat Morgenboot dat töövt al
Kumm kumm mit mi foort
Ik schick di 'n Söten na Guntsiet
Nachtigallmelodien speelt in Wulken
Un singen in't deepe Blau
Laat us Himmel warrn – doon wat us heelt
Doon un laten wat us heelt
Doon un laten wat us heelt
Diene Oogen sünd twee Sunnen
Ut eene Hand fallt 'n Roos
Wo schall ik hen
Wenn de Noordwest brullt
Ik höör in'n Storm 'n wille Goos
Dien Musik klingt in mien Seel
'N Steern fallt daal bi Nacht
Ik steek em in miene Büxentasch
Barg em för een Regendag
Ik drööm vun söte Sünnen
Müürn sünd nu fullen
Un Twee speelt "blinne Koh"
Un de Keuh in'n Stall de brullen
Ik schick di 'n Söten na Guntsiet
Nachtigallmelodien speelt in Wulken
Un singen in't deepe Blau
Laat us Himmel warrn – doon wat us heelt
Doon un laten wat us heelt
Doon un laten wat us heelt
Wat us heelt