'N stille Bucht Sand as Maandlicht
Wi springt de Welt mit'n Mors in't Gesicht
De Eer de dreiht sik um sik sulvst um de Sunn'
In ehrn ewig Danz mit den Maand verbunn'
Wat will de Welt us seggen de Kuckuck an'n Morgen
Ik küss diene Oogen verdriev de Sorgen
Dien krallkrötig Grienen küss ik so geern
Küssen an de Küsten du kleikattig Deern
Wo dat Woort Gesang is wo dat Gahn to'n Danz warrt
Wo de Traanen een Geschenk sünd un dat Gebeet vun een Hart
Kumm kiddel mi düsig wi wippwappen wippen
Maak dat nochmaal dat mit de Lippen
Mit den Düvel up de eene – dull un duller
Mit den witten Engel up de anner Schuller
Barfoot bit to'n Hals duukeln un glieden
Wi höört in't Gras de Tigers rieden
Dat Halleluja vun een Vagel in'n Middernachtschor
Señor Gardel singt "La vida es dolor"
Wo dat Woort Gesang is wo dat Gahn to'n Danz warrt
Wo de Traanen een Geschenk sünd un dat Gebeet vun een Hart
Maal büst du klook un wies maal bunt as'n Droom
Maal büst du Hund maal büst du Boom
Moot un Middelfinger up un daal
Kopp hooch "head high"
"Head high and fuck them all"
Wo dat Woort Gesang is wo dat Gahn to'n Danz warrt
Wo de Traanen een Geschenk sünd un dat Gebeet vun een Hart
Wo dat Woort Gesang is un dat Gebeet vun een Hart