Ach Gott was gibts Vereine
Bei uns in jedem Ort.
Ich war als frieher ganz schwer aktiv
Beim Turne und beim Sport.
Dann war ich ach mol Meeschter
Beim Schachklub in de Stadt.
Doch heit bin ich no em dritte Zug
Jo sowieso glei matt.
Die Glanzzeit ist vorbei
Ich halt mich jetzt am Woi
Drum kummt bloß än Verein noch an die Reih!
De schänschte Verein ist de Winzerverein!
Do werd jo kän Beitrag kassiert.
En jeder kriegt dort ohne Uffnahmeschein
Sei Gläsle mit Woi gleich serviert.
Do gibts ah kän Vorstand der große Rede schwingt
Do werd bloß getrunke bis alles fröhlich singt:
De schänschte Verein ist de Winzerverein!
In de Palz,
Ja in unsre Palz am Rhoi!
Ihr Leit tut nix verrote
Des is mein neischte Sport,
Denn wann des mol moi Aldie hert,
Losst die mich nie mehr fort.
Ich tu dehäm jetzt schwindle
Und geh halt ganz zum Schein
Noch jedie Woch so droi vier mol
Zur Sitzung im Verein.
Der Woi, der steht bereit,
De Wert weeß schun bescheid
Ich hab fer än Verein jetzt bloß noch Zeit!
De schänschte Verein ist de Winzerverein!
Do werd jo kän Beitrag kassiert.
En jeder kriegt dort ohne Uffnahmeschein
Sei Gläsle mit Woi gleich serviert.
Do gibts ah kän Vorstand der große Rede schwingt
Do werd bloß getrunke bis alles fröhlich singt:
De schänschte Verein ist de Winzerverein!
In de Palz,
Ja in unsre Palz am Rhoi!