أسمع غناكي يرد فيا الروح
وأنده عليكي بصوتي مش مسموع
ماشي لطريق عارف ما منه رجوع
هوصل لفين معرفش
وأنا أزمتي ما بهربش
بشوف وشك ليه في القهوة
وبسرح في السما السابعة
تاخدني عينيكي لمكاني
وانسى همومي وألامي
وأحس معاكي من تاني
طريقك شايفه عِمياني
لكن الغريب أنا بعرفه باللمس
لأول مرة من عمري بحس بخوف
في سر في غيابك ما بفهمهوش
ليه حضنك أبعد من حدود الكون
واقف على اعتابك لأخر يوم
نسيانك دا مضمنهوش
صابر سنين تفصل ما بينا بلاد
زاد الحنين وقلبي كله حداد
ويّاك لفين وعمري لو يتعاد
لو باقي ثانية في عمري هستناك
طُلِي من البرواز
مليش عشم في غياب
ليه تفوتني وانا مشتاق
وليه تفوتلي كاس أملاه
طُلِي من البرواز
مليش عشم في غياب
ليه تفوتني وانا مشتاق
وليه تفوتلي كاس أملاه
بشوف وشك ليه في القهوة
وبسرح في السما السابعة
تاخدني عينيكي لمكاني
وانسى همومي وألامي
وأحس معاكي من تاني
طريقك شايفه عِمياني
لكن الغريب أنا بعرفه باللمس
شوفت الدنيا بعيونك وضمتني
ليه سايباني لغيابك يموتني
ومليش الحق في عتابك دا شئ حتمي
ومليش غيرك حبيب دلوقتي يسمعني
نسيت كنت من قبلك بعيش ازاي
ومليش من بعدك مفيش يوم جاي
دا مفيش ثانية بتفارقيني ولما بنام
بغيب ارسم ملامحك حتى في الأحلام
بقى دا اللي وصلنا ليه يعني
تروح روحي وترجعلي
عيونك لو تضيعني
أنا راضي باللي ترضاه لي
بقيت مش عارف أبقى أنا مين
ولا فارق بقيت أنا فين
مفيش غير حل من الاتنين
تعيش فيا يا اموت أنا فيك
دا اللي وصلنا ليه يعني
تروح روحي وترجعلي
عيونك لو تضيعني
أنا راضي باللي ترضاه لي
بقيت مش عارف أبقى أنا مين
ولا فارق بقيت أنا فين
مفيش غير حل من الاتنين
تعيش فيا يا اموت أنا فيك
بشوف وشك ليه في القهوة
وبسرح في السما السابعة
تاخدني عينيكي لمكاني
وانسى همومي وألامي
وأحس معاكي من تاني
طريقك شايفه عِمياني
لكن الغريب أنا بعرفه باللمس