5, 4, 3, 2, 1
1, 2, 3, 4, 5
1, 2, 3, 4, 5
1, 2, 3, 4, 5
Canche i stlüji i edli denanco dormí
Iu cumpedi mi deic te en ater post oi man jí
Canche i stlüji i edli denanco dormí
Iu cumpedi mi deic te nater post oi man jí
Fora da mio corp l' anima s' an jora
A odei da dessora atres prospetives
Vites alternatives
Iadi extracorporai enzai sai
Chi sun bun
Porchel ensnet denanco dormí
Denant che i poi sparí
Te mio plomać
O danter Morfeus y su brać
Ponsi ai vari chi a da fa
Sonza cialzá
Mo proi ciodi che i o odei davei
Ci forza che la forza ciafa
Soradöt sonza le sei
Canche la coscionza ven manco
Ten som tif toma sen le corp mo
Pormo daló met man le iade
Do dal ultimo Pater Noster
Soms tan crass che i veighi punts da tó
Coses da proé, na vita sarada magari insuza
Degügn mo ciara
Döra é sen mia scorza
Ledia dai prighi
T' Africa les tigri
Musighes strinades encer le fü, co sona
I veighi bisches dla lungia lenga despartida
Co cianta sen lingać dejmonces
Y fej certli tal föm de na contrada smarida
Can che i pó pié ia
Le iade tosc se röa
Can che i veighi mia ombria
La vita mia é la töa
La vita töa é la mia
Can che i pó pié ia
Le iade tosc se röa
Can che i veighi mia ombria
La vita töa é la mia
La vita mia é la töa
Dai te mia man y vi con me san jun en toch
Na roda, en bot
Püc secunć a iadi fej la desfaronzia
Meter na somonza, te n ciamp a soredl
Edl stlüt mo porta daverta impuntasö
Figöres lominoses ven sen a se do
I sa che t' as tema
I sa che i á tema
Mo i sun con te, por adöm proé
Emoziuns massa stersces
Por podei les spieghé
Alć é crep blanć, pizes spizades
O plates sen mai scrites
Coi verć o rosc
Mo prote, sen di ci che t' os
Te nas nia bria da te temei dal scür
Te veighes sen le lominus y döt te en colp se daür
Le iade se röa
Can che le certl se stlüc
Düc se tem, mo püc le dij
Tla natöra, desco d' altonn
Morta toma la feia
Mo ven sen endo en vita
Sot la forma de plöia
Tles pices cosses
Les gran morveies
Y stlüj i edli, lascete porté
Proa da pordené
Döt é sen tal medemo
Mo sot en atra forma
Animes co chir en corp
Co cresc y se trasforma
A la fin, le meter man
L' angel y le malan
Mans tol y mans dá
Lagrimes sen toma
Sce zacai san vá
Mo do vigni nio
S' ascognel le soredl
Al sparesc le rio y con el le vedl
Can che i pó pié ia
Le iade tosc se röa
Can che i veighi mia ombria
Mia vita é ince la töa
Mia vita é ince la töa
5, 4, 3, 2, 1
5, 4, 3, 2, 1