Dos amigo
É de cada um
Sina de dos arguém sina de um
Dos amigo
Fortuna d'um fortuna d'oto
Desprezo d'um desprezo d'oto
Dos amigo
Ses storia tudo mundo conche
Traiçon de un morti di dos
Dos amigo
E quato mó alçado
Ka tem Diós ki ta resiste
Dos amigo
É dos xintido áspri
Na oredja'l companhero
Dos amigo
Três é sombra desconfiado
Ki ta desconfia de se sombra
Dos amigo
Na sol é cabeça di un
Tchapeu guardado di burgonha
Dos amigo
É soma e multiplica
Ka ta resta ka ta divide