Canta U Populu Corsu - Amicu ci si tù - текст песни и слова, похожие исполнители

Kishore Kumar Hits — Canta U Populu Corsu - Amicu ci si tù текст песни

Исполнитель: Canta U Populu Corsu

альбом: Canta u populu corsu, la compilation

Amicu ci sì tù chì ci porghji la manu
Quandi u ventu gira ind'u celu isulanu
Quandi u sensu spira ind'u cerbellu umanu
Amicu ci sì tù.
Amicu ci sì tù chì ci porti penseru
Quandi u morsu stringhje di ferru furesteru
Quandi l'ochju dinnera da lu vechju addisperu
Amicu ci sì tù.
Amicu ci sì tù chì copri lu dulore
Quandi a brusta ghjala u focu di l'amore
Quandi a fede cala in core traditore
Amicu ci sì tù.
Amicu ci sì tù chì ci apri le porte
Quandi l'idea more nantu à le strade torte
Quand'ellu sbuccia un fiore cum'è sognu di morte
Amicu ci sì tù
Amicu ci sì tù chì ci dai speranza
Quandi a vita cagna ci tomba fratellanza
Quandi a terra cara si sfuma in la partenza
Amicu ci sì tù.
Amicu ci sì tù chì ghjetti lu mandile
Quandi u tempu vene d'ùn esse più ghjentile
Quand'ella vene l'ora d'ùn esse più civile
Amicu ci sì tù

Поcмотреть все песни артиста