Pīzaskar pi munom plaukstom,
Nūsļāp dūmys dabasūs i aizamoldīs,
Lai tevi atrostu as!
Pīzaglaud pi leita lāsis, nabejušā sirdsapzinī izalīcīs,
Lai napazustu tu!
Izdzeivuoju reita dzīsmi,
Škeisteišonys pylnā līsmā mozguojūs,
Lai napazeitu tu!
Puortryuka sirdsapzinis vuorti, nazynamu jūtu skorti tī
Sapleisa i līk maņ rauduot...
As asmu izzeimuots nu rosys tovā prīškā apjucs
As asmu izgleznuots nu mieness stora
As asmu...
Tova pazaudeituo dvāseļa!
Maņ prīškā izkūst vysa, vysa pasauļa!
Viejs čukstā ausī, ka itys vyss bie puosoka.
As asmu te- kur ir myusu pītura.
Maņ gribīs skrīt, maņ gribīs izdzeivuot,
Maņ gribis smītīs i dvāseli napuordūt!
As asmu...
Tova pazaudeituo dvāseļa!
Maņ prīškā izkūst vysa, vysa pasauļa!
Viejs čukstā ausī, ka itys vyss bie puosoka.
As asmu te- kur ir myusu pītura.
Maņ gribīs skrīt, maņ gribīs izdzeivuot,
Maņ gribis smītīs i dvāseli napuordūt!
Pīzaskar pi munom plaukstom, nūsļāp dūmys dabasūs i
Aizamoldīs...