لەپاش کۆچت هەنگی ڕۆحم لە ناو ڕۆحما بەجێ ماوە
لەپاش کۆچت هەنگی ڕۆحم لە ناو ڕۆحما بەجێ ماوە
چاوەکانم دەریای ئەشکی چاوەکانتیان تێ ڕژاوە
چاوەکانتیان تێ ڕژاوە
سروەی دەنگە بەسۆزەکەت لە ناخمدا سەما دەکا
سروەی دەنگە بەسۆزەکەت لە ناخمدا سەما دەکا
هەموو رۆژێک بۆ دیتنەوەت دڵم هەر بەتەما دەکا
هەموو رۆژێک بۆ دیتنەوەت دڵم هەر بەتەما دەکا
هەموو رۆژێک بۆ دیتنەوەت دڵم هەر بەتەما دەکا
♪
هەتا ماوم هیچ ئاوازێ هەستی هەناوم ناگۆڕێ
بەو کۆچەی تۆ خەم لە ناخی دڵی تاساوم دەچۆڕێ
هەتا ماوم هیچ ئاوازێ هەستی هەناوم ناگۆڕێ
بەو کۆچەی تۆ خەم لە ناخی دڵی تاساوم دەچۆڕێ
بەو کۆچەی تۆ خەم لە ناخی دڵی تاساوم دەچۆڕێ
ئاخ بەو کۆچەی تۆ خەم لە ناخی دڵی تاساوم دەچۆڕێ
♪
هۆ خاتوونێ خاتوونەکەم نیشتمانم جێ مەهێڵه
نیشتمانی ئەم دڵەی من ڕێبوارێکی ماندووی وێڵه
تۆ دەزانی چەند هەناسەی یادگاریم لە سینگتایە
چەند دیمەنی پڕ ژوانمان لە ئالبۆمی دیدەتایە
تۆ دەزانی ڕۆژانێک بوو نیوەی جەستەی لاوازم بووی
نەغمەی تاری پڕ لەسۆز و چەلۆی دەنگ و ئاوازم بووی
کەچی ئێستا منی بێ تۆ شەپۆلێکی بێ کەنارم
میوانێکی بێ خانەخوێ و کوێستانێکی بێ هەوارم
کەچی ئێستا منی بێ تۆ شەپۆلێکی بێ کەنارم
میوانێکی بێ خانەخوێ و کوێستانێکی بێ هەوارم
♪
باڵندەکانیش وەکوو من بۆ هاتنەوەت دەم بە دوێتن
باڵندەکانیش وەکوو من بۆ هاتنەوەت دەم بە دوێتن
تێکڕا کۆڕی پەپوولەکان بە سروودێک چاوەڕێتن
دڵنیابە و چاوەڕێ بە خاتوونەکەم هەر دێمە لات
دڵنیابە و چاوەڕێ بە خاتوونەکەم هەر دێمە لات
دیاری دەستم بەراتێکە پڕ لە ماچی دەمی وڵات
دیاری دەستم بەراتێکە پڕ لە ماچی دەمی وڵات