Jepe namo hyakuái che santo ára oguahe
Lo mita nimbo ra'e ñemiete ojeprepara
Ko'embaramo guara ohua'ïma hikuái tapére
Che rógape hetakuére pukávaicha oguarara
Jepojopy, ñeñañuame ajehupi ha añehetu
Águio péguio oñehendu felicidades Román
Ndéko amigo porä, taipuku nderekove
Ñe'ë rory apesar che tapýi omyenyhé
Ijaguara che rogaygua, iñirüme ojehayhúre
Ahendúma pe korapýre ryguasukuéra omyapesä
Omoñani pokyra, canástope ogueru
50 wisky ryru, mesápe omboguejyka
La 12 ramo guarä, mesa puku mbohapy,
Oñoakäre oñembojoaju ha hi'ári hyakuavu
506 ryguasu umi iráza reko ha'e
Tatakuápe ojypyre, siete cuadras oñehetü.
Mesápe ojeguapypávo, batéape ensalada,
Ha cerveza iro'ysäva reclútaicha odesfila
14 mitakuña oserví va'erä mesápe,
Upé santo ára hápe a 20 mil acontratá
Takuare'ë rykuere ojupi lo mita akäme,
Guerere ha guararäme, jahechávante okacha
500 vasos ojeka anínte peñemondýi
Umíva che nambyasýi si opaicharäma agastá
Upéro ko chehendu poetakuéra ivaléva,
Omboyvotýva che réra kuñáicha chemoñe'ë
Péichaguáko hetave ofalta ñane retäme
Jaiko hagua tyguatáme ha torýpe enterove
Vy'aniko ko vy'a, ayvu ijapyra' ÿva,
Ko mba'e ijoctava'ÿva lo mitá oaprovecha
Arpa ha mbaraka oñatói che pensamiento
Ha umi moköi instrumento a 100 mil ajuruka
Mesápe oñepu'ambávo, ha'ete ku yryvu,
Ojeporeká hóga lado oje'óima lo mita
Ahenói che rogaygua roipapami orekuáre,
Ovy'a sapy'aráre mbovy milpa ojegasta
Dos millón ipicomi ohupity ryguasu ka'ë,
Oje'u ha ojei'úvaekué rosumá oñondive
Cuatro millón ocompletá, guaranínte la ojeporúva,
Ha dólares añongatúva opyta otro día guarä
Oime gueteri areko, peteï animal kyra,
Chikérope okakuaáva, che rajy regalokue
Ágante petei pyhare, whisky pe ñambojahúta
Ha felicidadespe ja'uta pejupáro enterove