Jeden Dag sottsch was schaffa ma
Hot ja koi Ruah - Komm sieh's ei komm
Machs glei sonscht kommsch eh ned dr'zua
Sowas lauft mir ned nei weil i folg ned auf s'Wort
Emmer jetzt emmer schnell emmer glei ond sofort
Ja I lass mi ned hetza weil i emmer Schrei
Heut nemme - ond morga ned glei
I lieg aufm Sofa ond frei im brudal
I han frei - be alloi ond Europapokal
So a Konstelation isch selta ond schee
I schalt ei lehn me zruck - isch dr Fernseher heh
I ruaf hondert Leut a glaubsch s kommt Oiner vrbei
Heut nemme - ond morga ned glei
I ben wild entschlossa ja heut pack i's o
Heut gang i zom Chef zu dem geiziga Mo
Weil I brauch mehr Geld weil des langt mir ja nia
Ond han au scho z' viel bei de Kumpel verdliah
Doch der Depp rückt nix raus net amol a paar Schei
Heut nemme - ond morga ned glei
I han blos schöne Töchter des isch weltbekannt
Die brengat dia Kerle fascht om da Verstand
Dia parkende Autos verursachat Staus
Wia rollige Kater so schleichats oms Haus
Doch kommt Oiner froga - Hey wär oina frei
Heut nemme - ond morga ned glei
I be wohl scho schdoialt doch langts mr no net
Weil i han no viel Sach was i gera dät
Jetzt wärs grad so sche ond jetzt wüsst I wias goht
Doch do sieh i wia drausa dr Sensa- Mo stoht
S'isch rom du muasch ganga schreit er zu mir rei
Heut nemme - ond morga ned glei