بصحى من نومي مزاجي تحت
حلمت بموت ومطلعش بجد
باصص ف مرايا مش شايف عيوب
لا مش غرور. مش شايف حد
كاشفة الدنيا ف ايدي كل كارت
حظي فيها زي الصفر ف نرد
هل لبخت ولا قلة بخت
لو عليا أنا أختم ده دلوقت
هتعدي هتعدي هتعدي
مساكين ميعرفوش إن ف عقلي
جيوش بتخلقلي
دايماً حرب دايرة النعوش بتندهلي
مقبلوش أي صلح فا أعتقد دي نهايتي
هتكل ايه تاني يتعمل جهود بتتبذل
و ملقاش ف إيدي غير ندوب بتترسم
إكمن أنا رزل مسيبتش أحلامي
لحد أما قالولي أفتكرها وأبتسم
عايش نكتة
الضحكة يعلى صوتها كل مرة أقولها
حتى ف وشي باين كره الدنيا بطولها
إتفضل روحي أقبضها لو لاقيتها جوا
عارف غلطي هو سرحت ف سكة
أجي أعيد لأ محناش ف لعبة
أدي رابع عقد معيش شغلة
مفيش دبلة ليه أعيش بكره
هى هى مش جديد
عليها عادي تكون ظالمة
مهما عيدتو و قولتو فانية
كان نفسنا نعيش مرة
بس نعيشها بجد فعلاً
مش بس شكل من برا
أجسام و ماشية ع الأرض
أرواح ف أبعد مجرة
وقت بيمشي و كله بيتحرك
وأنا واقف بتفرج
واقف بتفرج
واقف بتفرج
بخطي خطوة بتكعبل وأتدحرج
وكله بيتفرج
كله بيتفرج
كله بيتفرج
بزق يومي ده أكنه حبس
ولا حاجة بتتهز شخصيتي بس
يروح وييجي ف قلب دماغي همس
أخر السكة أهي فين الشمس
بصارع نفسي نهاية كل ليلة
ومش لاقي إجابة على بيجرالي ليه ده
كله بايظ فعلاً يطلع صوت بيعلى
يقول الحاجة الوحيدة اللي بايظة عينك
فا تقريباً هبقى
ف الجنة أقيدها وده لو داخلها
على بالي أفكار أنا أتمنى أبيدها
أي ذكرى أوئدها
ناس بتنتشلني تقوم مقطوعة إيدها
إبعد عني أحسن شيطاني سيطر
على كل شعور ف روحي وضع أخطر
مما ممكن توصله بخيالك أصلاً
أنا عايش حاجات تخاف فيها تفكر
مش تعظيم هى الناهية بكرهني
لا شئ ليا ع الدنيا مصبرني
غير بس حزن أمي بيمنعني
أعمل حاجة فيا أغور ف داهية تخلصني
فا كل ده مات
كل اللي جوا ده أتحرق رماد
وده يفسرلي ليه بكح تراب ليه
مش طايق نفسي أنا ف كل الأوقات
وده
أخر مشهد مخاوفي عايمة
ع الوش وأغرق ما لو في مفرق
كت سلكته أحسن ما منفي ف خندق
عمال أوفي حتى للي مشي تصدق
دنيا عاملة حفلة ولا دعيتنا
لا حسنت حالنا ولا دعيتنا
عقاربها سامة ولدعتنا
قولنا نسيب ألمنا بس لا ده بيتنا
هى هى مش جديد
عليها عادي تكون ظالمة
مهما عيدتو و قولتو فانية
كان نفسنا نعيش مرة
بس نعيشها بجد فعلاً
مش بس شكل من برا
أجسام و ماشية ع الأرض
أرواح ف أبعد مجرة
وقت بيمشي و كله بيتحرك
وأنا واقف بتفرج
واقف بتفرج
واقف بتفرج
بخطي خطوة بتكعبل وأتدحرج
وكله بيتفرج
كله بيتفرج
كله بيتفرج