Borhan - Hala Bek - текст песни и слова, похожие исполнители

Kishore Kumar Hits — Borhan - Hala Bek текст песни

Исполнитель: Borhan

альбом: Hala Bek

على مد النظر اشوف طيوفك تمسك ايديني
و على طول الدرب مابه سوى حضنك ملاذ و دار
تهاوى قلبي لعيونك. تهاوى وسط كفَيني
شكت منه الضلوع انه كبر بك والمحاني صغار
انا مدّيت لك قلبي. تفضّل خذه و خذ عيني
تدافَع لك حنايا الجوف وتتركني انا تذكار
سكنت العين و عن غيرك كأن الله معميني
ولا غيرك، ورب زينك، شغل فكري في بالي دار
ترى انهد بي حيلي غلاك اكبر من سنيني
تعال و شب فيني حب، مادامك قايدٍ بي نار
هلا بك عد ما اخاف البطا يهدّ، باقيني
هلا بك كثر شوقي لك، هلا بك قد "ما قد صار"
تفرّد كل شيٍ لك يا عيني. و يا نظر عيني
تمرّد داخلي وش عاد. تأكد فيني لا تحتار
احبك. حب تعدّى العقل. تعدّاني، سطى فيني
احبك. والكلام ابطى. احبك. و اليدين قصار
ملكت الوقت. كل الوقت. يا أوّلني. و بعديني
عطيت العمر فوق العمر حبٍ به اعيش اعمار
انا اللي وسْط حضني تنام مثل ما يديك تحميني
من رماح الهموم و من التعب ومن عنا المشوار
لقيت بوسط قلبك حب تقبّلني. لطف فيني
علي يعطف. و يفهمني. يلملمني قبل انهار
لقيت في قلبك المنفى، رغم تقصيري، ياويني
يروف بدمعة عيوني، يعدل بي ولا قد جار
انا وشلون اجازي طيبتك و انت اللي معطيني
امان الدنيا يوم الخوف قبلك تاركٍ آثار
يا بخل الحكِي صوبك. ويا كبر الذي فيني
احبك كان يكفي الحب. احبك و المعاني كبار

Поcмотреть все песни артиста