توك جيت تصالحني وريتك لاجيت
لمن شلتك من بالي وغيرك حبيت
معد تفيد الندامه وكلمة ياريت
كل اعذارك ماتمشي بهجرك رضيان
ابعد عني شبدك جاي
ليه ترجع حلمك هاي
طبعك اني فهمتو زين
ماتمشي المي من جواي
تدري ايمت للعشكه نرد و نرجع
لمن الشمس عالدنيا تبطل تطلع
بس الاطرش والاعمه يشوف ويسمع
ذيج الساعه انتلاكه ملكه خلان
ماارجعلك لولا تموت
يالحبك خراب بيوت
خلصت لعبتنا ومعطيك
موكرت احمر عشر كروت
ذكرى فركتنا السوده صارلها سنين
لاهو شهر صارلها و لاهن شهرين
اني مو ناسي جروحك ذاكرهن زين
على السويتو بيه ماني نسيان
ماسبيتك ليش تسب
من وراك كرهت الحب
من عفتك لحد الان
منك نار بقلبي تشب
هالروح معد تحبك مدري شبيها
احمد ربي بكل لحظه عفتك بيها
لو حنت عيني لشوفك غير اعميها
واكعد كل وكتي مغمض حال العميان
يمي انكشفت لعباتك
لترجعلي بحياتك
يمحسب بعدك ماعيش
ياخي عيد حساباتك