شمر زنودك وامشي بساعك
واكطع رجل الداس بكاعك
لاوي الموت بجف ذراعك
صير من حساب الزكرتيه
وين اليثبت يومن تفزع
مو من طكه يخاف ويرجع
بدنا لغير الله ماتركع
خلك مهيوب الشخصيه
اكعد مايل واحجي معدل
مو رجال الحجيو مبدل
لا عالنسوان اتمرجل
موحلوه ولاهي رجوليه
دوس الراس الكلها تهابو
جيب الصيت المحد جابو
وكف الضامك على عصابو
شرب العايل سم الحيه
صكار وخلك صاكرهم
هالجنت بصيتك ساترهم
مو زلم شلون معاشرهم
مابيهم طبع الزلوميه