بين الحقيقة والخيال مفيش يا دوب فتلة
والحزمة تبقي مصيصة لو يوم بقت فتلة
أنا شوفت علي إيديهم وجع
ماتشافش في الأفلام
والله دول مش بشر دول قتالين قتله
وأدي إللي خدناه من الأسف
ناس في الغلط شاطرة
وتقولي مين دول ملعونين بس الهدوم ساترة
مايعرفوش غير الأذى دول ناس ولا التعابين
أصل اللي حالف يسرقك له ألف أيد قادرة
السم جوه العسل يوماتي ليك محطوط
سم القرايب عقارب واللدغة منه بموت
صدق إللي قال أندال عالشر متفقين
ومايلعبوش القرود غير والأسد مربوط
عادين عليك لقمتك من وأنت في اللفة
حتي المحبة منهم قاسية أوي وجافة
كل إللي فات لو مات أو عملوا مش فاكرين
ده إللي أنت فاكرهم سند دول كدابين زفة
♪
أنا إللي كل حاجة في حياته مبهدلة
معرفش ليه الناس بقت مستهبلة
كل إللي بيشوفني يسأل عامل إيه
وكأنها يعني الحياة مستحملة
قربت أكلم نفسي من إللي بشوفه أنا
الناس خلاص بقوا عالأصيل متملعنة
وإللي يعاملها بكل طيبة بيكرهوه
ينداس ويدفع روحه تمن الجدعنة
ده السم جوه العسل يوماتي ليك محطوط
سم القرايب عقارب واللدغة منه بموت
صدق إللي قال أندال عالشر متفقين
ومايلعبوش القرود غير والأسد مربوط
عادين عليك لقمتك من وأنت في اللفة
حتي المحبة منهم قاسية أوي وجافة
كل إللي فات لو مات أو عملوا مش فاكرين
ده إللي أنت فاكرهم سند دول كدابين زفة