Ad cekreɣ tiqbayliyin
Ṭṭaɛa d zzin
Fell-akent ɣennan ccuɛara
Ay igerrujen n tudrin
Sser n tisekrin
Deg ul tettaǧǧamt-d limaṛa
D iɣriben ur nesɛi aḥnin
Fell-akent nettleḥḥin
Ad kent-iɛeyyec Ṛebbi meṛṛa
Ah, di lɣerba neɣreq
Nḥemel-ikent Ṛebbi yeẓra
Lwexda mi ara d-ɛeddint
Leǧwahi n tmeddit
Ad nnejmaɛent di lḥara
Tin yesɛan lwali temekti-t
Imeṭṭi d talwit
Ul-is irkeb-it leḥrara
Teqqar-as lɣerba tewwi-t
Ddunnit tenkeṛ-it
Nruḥ nedda d lexṣara
Di lyerba neɣreq
Nḥemmel-ikent Ṛebbi yeẓra
A tiqbayliyin ɛzizen
Fell-akent neḥzen
Lefraq yuɣal d lemḍerra
Ddunit yid-kent tewzen
Tḥibbin-t yergazen
Di lǧennet d lɛibaṛa
Ad yerr Ṛebbi iɣriben
Si tmura i ibeɛden
Leḥzen ad yuyal d tameɣra
Ah, di leɣerba neɣreq
Nḥemmel-ikent Ṛebbi yeẓra
Ah, di leɣerba neɣreq
Nḥemmel-ikent Ṛebbi yeẓra