مجتمعنا هذا اللي نعيش فيه
مليء بالمرضى النفسيين
ومشكلة غالبية هؤلاء المرضى النفسيين
إنهم ينكرون وما يشوفون نفسهم مرضى
لذا وجب التنبيه
ليش كل من هب ودب قام ينسب لنفسه الرجولة
يتصنع الرجالة ويتصنع الفحولة
يتكلم لك بثقة يتمناك تصدقه
وأنا أقسم أنه كل كلامه ما راح يطبقه
يبي يحسس العالم أنه شي وهو ولا شي
مهما ضرب وكسر بيكون بيضرب ميت مو بحي
مهما كلامه كثر وهو نفس الخسيس ما تغير شي
مهما حاول وفعل ما راح يقدر يأذيك ولو شوي
حده بس يقعد يقولك كلام ما له معنى ولا جاء الجد راح
جرب بس عطه كف وإذا ما كفى الكف وراسه لف وصاح
جرب كف ثاني أقوى من الأولاني
صدقني ساعتها بتشوفه تعدل وصار لك شخص ثاني
هذول هم كذا ناس حياتهم فيها خلل
منهم اللي يغطي هالخلل بالجد ومنهم اللي بالهبل
بناءً على علماء النفس
هالحالة على ما أذكر أنه يطلق عليها عقدة نقص
لما تشوف نفسك صغير
وتشوف غيرك جداً كبير
تبدأ تتصنع الكمال
هذا يعني انو فيك مرض نفسي يسموه بالطب عقدة نقص
تلقى على سبيل المثال واحد ما بلغ ويهدد
ويقولك أنا بإمكاني أكسر وأفتت
وأسوي اللي ما سواه أحد ويعدد
وقبل لا أقدم على أي خطوة أتكتك وأخطط
وهو لا خطط راح وسرق إيسكريم
أو جمع كل أخويانه وراحوا يدوروا مسكين
من الهنود أو البنقاليين
يتشطروا عليه ويحسوا إنهم إجراميين
هذولا فيهم نقص ما فيهم شوفة حال
يغطوها بالتظاهر بالفتوة وبالإسترجال
نفس الشحات اللي ما عنده خمسة ريال
ويتكلم بطريقة يخليك تحس أنه مخاوي الوليد بن طلال
ناس مرضى وفي الواقع يبغالهم علاج
جابوا لنا الكلام وسببوا لنا إحراج
بناءً على علماء النفس
هالحالة على ما أذكر أنه يطلق عليها عقدة نقص
لما تشوف نفسك صغير
وتشوف غيرك جداً كبير
تبدأ تتصنع الكمال
هذا يعني انو فيك مرض نفسي يسموه بالطب
أنا كنت أتوقع
أن عقدة النقص هذي مو مرض مجرد حالة
تزول لحالها من دون لا تحتاج الإزالة
حالها حال أي حالة تحل على الإنسان بفترة معينة ومن بعد ذلك تعدي سهالة
كنت أظن أنها حالة وظني طلع مو بمحله غلط
ظنيت أنها حالة وبالأخير طلع مرض
ما كنت أدري أنه مرض متفشي كثير ولو ما عُلج بيكون مستعصي وخطير
لازم إنك تهتم فيه كي لا يسيطر عليك ويسبب لك مشاكل
المسألة الواحدة بتتحول لمسائل
ووضعك ما راح يستقيم بيكون مايل
أمك وأبوك مستحيل يتمنوا يشوفوك
مريض بهالمرض ولا يساعدوك
بناءً على علماء النفس
هالحالة على ما أذكر أنه يطلق عليها عقدة نقص
لما تشوف نفسك صغير
وتشوف غيرك جداً كبير
تبدأ تتصنع الكمال
هذا يعني انو فيك مرض نفسي يسموه بالطب عقدة نقص