Mér líkar svo vel að lifa
Þó læðist sú hugsun að mér
Að ekki muni hún endast
Til eilífðar vistin mín hér
Ekki veit ég samt ennþá
Hvað af henni tekur við
Kannski andast ég inn á
Annað tilverusvið
Enn syngur áttræður
Unglingur síglaður
Ljóð sín í léttum dúr
Leikinn sem trúbadúr
Það væri fýsilegt framhald
En fari nú svo er ég dey
Að sálin með holdinu sundrist
Mér sýnist það líka OK