Mi memoras, ke mi atendis kiel knabo
La revenon hejmen de mia patro
Por labori kun plezuro
Aĉetis mi paperon, lignon kaj la ŝnuron
Por fari kajton
Mi memoras, ke mi konstruis kiel knabo
Tre belan kajton kun mia patro
Mi rigardis lin kun varma sento
Li ĝoje kriis, kiam venis bona vento
Por nia kajto
Mi memoras, ke la ĉielo estis plena
De multaj kajtoj tutkoloraj
Kaj centoj da infanoj kune ludis
Kaj tutajn tagojn ege sin amuzis
Per sia kajto
Mi memoras, ke mi ne komprenis kiel knabo
Ke ne plu vidiĝis iun tagon
Paperaj birdoj memfaritaj
Ni restis hejme tute surprizitaj
Kun nia kajto
Mi memoras, ke bruaj feraj birdoj
Mortigis nian tutan ĝojon
Timigaj militaj ĉasaviadiloj
Estis ĝenataj de infanaj amuziloj
Niaj kajtoj
Niaj kajtoj
Niaj kajtoj
Niaj kajtoj
Se kajto estas tiel minaca
Ĝi servu kiel armilo paca
Se kajto estas tiel minaca
Ĝi servu kiel armilo paca
Se kajto estas tiel minaca
Ĝi servu kiel armilo paca
Do mi petas al ĉiuj infanoj de la tero
Fari multajn birdojn el papero
Por forpeli aermilitilojn
Ni kovru la ĉielon per pacarmiloj
Niaj kajtoj
Mi petas al ĉiuj infanoj de la tero
Fari multajn birdojn el papero
Por forpeli aermilitilojn
Ni kovru la ĉielon per pacarmiloj
Niaj kajtoj
Mi petas al ĉiuj infanoj de la tero
Fari multajn birdojn el papero
Por forpeli aermilitilojn
Ni kovru la ĉielon per pacarmiloj
Niaj kajtoj
Niaj kajtoj
Niaj kajtoj
Niaj kajtoj