Filin-fratineto
Sonĝu pri kvieto
Kunvivi en for' azila
Kaj ami sen zorgo
Nur ami ĝis morto
En lando al vi simila
Tra ĉiel-vualo
La suno per palo
Revigus min pri la ĉarmoj
De via okulo
Perfida, kun brulo
Mistera, pro lum' tra larmoj
Tie sole belo kaj bril'
Ord', volupto kaj trankvil'
Tie sole belo kaj bril'
Ord', volupto kaj trankvil'
La meblojn ĉe l' muro
Briligus poluro
De jaroj en nia ĉambro
Miksiĝus odoroj
De raraj sud-floroj
Al la svaga spir' de l' ambro
Ornam' en abundo
Speguloj sen fundo
La pomp' oriente sorĉa
En ĉio al koro
Parolus sonoro
De l' patra pralingvo dolĉa
Tie sole belo kaj bril'
Ord', volupto kaj trankvil'
Tie sole belo kaj bril'
Ord', volupto kaj trankvil'
Sur ĉiu kanalo
Jen dormas ĝangalo
De ŝipoj kun mar-vagemo
Por esti la iloj
De viaj deziroj
Alvenis de l' mond-ekstremo
Ĉe suno-subfalo
Vestiĝas al valo
Al la tuta urb', al ondo
Hiacinto kaj oro
Ekdormas en gloro
De varma lum-klar' la mondo
Tie sole belo kaj bril'
Ord', volupto kaj trankvil'
Tie sole belo kaj bril'
Ord', volupto kaj trankvil'