Ur yeẓri anida yella
Ur yeẓri ansi i d-yekka
Ur yeẓri sani i iteddu
Ur yecfi ansi i d-iεedda
Mi yedda uḍaṛ-is, yedda
Mi yeεya ad isteεfu
Yelḥa i usemmiḍ di ccetwa
Iṭij deg unebdu yeṛɣa
I laẓ, εeryan d leḥfa
Akken akk netta ad ileḥḥu
D aderwic, d aderwic
D abrid i as-igan aḥric
D aderwic, d aderwic
D abrid i as-igan aḥric
Ttaḍnen akk medden, yuḍen
D aṭṭan-is i igan akken
Yal wa d amek i d as-tecṛeḍ
D deεwessu i t-yewwten
D ddnub, d lεib wi t-yewwḍen
Win yewwḍen anda yewweḍ?
Xas ur yeεǧib i yiwen
Ur yufi ara akken nniḍen
Ur yuksan ḥedd i t-yuɣen
Ur kkat a gma, ineṭṭeḍ
D aderwic, d aderwic
D abrid i as-igan aḥric
D aderwic, d aderwic
D abrid i as-igan aḥric
Ur d-iclig deg wayen nnan
Ur d-iclig deg wayen yellan
Ayen yellan deg-s issikid
Iḥbiben, allag, imawlan
Ifuk ur d-yegri laman
Tessaweḍ tyuga ɣer weḥdid
Win i d-yegran deg iberdan
Ma yella yugi axxam
I d as-tt-gan d at wexxam
Seg wexxam i gan abrid
D aderwic, d aderwic
D abrid i as-igan aḥric
D aderwic, d aderwic
D abrid i as-igan aḥric
Zik-nni am kunwi i yella
Yedder-as akken i d as-yufa
Ur yenwi ḥedd ad as-teḍṛu
Win yuysen ayen yerǧa
Yerǧa ur d-iban wara
Ar melmi ara yerǧu?
Tewweḍ anda ur s-yezmir ara
Yejbed-d tqerṣ snesla
Ur yezmir ḥedd i lexla
Ulac tiyita deg at waḍu,
Ma teḥṛes, ma teḥṛes,
Yiwwas a d-tjabeḍ aseɣṛes,
Ma teḥṛes, ma teḥṛes,
Yiwwas ad d-jabeḍ aseɣṛes
Ma teḥṛes, ma teḥṛes,
Yiwwas ad d-jabeḍ aseɣṛes,
Ma teḥṛes, ma teḥṛeṣ
Yiwwas ad tjebdeḍ ar teqqeṛs