Wissen amek qerseɣ-d, ɣliɣ-d
Deg wefras neɣ deg wafrasen,
Wissen amek qerseɣ-d, ɣliɣ-d
Deg wefras neɣ deg wafrasen,
S umextaf zwin-iyi-d
Neɣ d aḍu-nni i d-isuḍen,
Nudan-iyi, ufan-iyi-d,
ḥuzan-iyi deg ifassen-nsen,
S aqecwal rran-iyi-d
Mi teččuṛeɣ ad i yi-neɣlen,
I uεemmuṛ tezzin-iyi-d
Feṛḥen mi d-sawḍen,
Yal ass sefqaden-iyi-d
Armi yewweḍ deg-i a yeẓḍen,
Yal ass sefqaden-iyi-d
Armi yewweḍ deg-i a yeẓḍen,
ɣer tesirt skecmen-iyi-d
Iɣuṛaf tezzin, tennḍen,
ɣer wefṛac ṭṭfen-iyi-d
Ur tefɣeɣ ar d-iyi-meḥqen,
Lliɣ d aεeqqa gren-iyi-d
D aṛebuẓ ad iyi-ssuffɣen,
Fukeɣ ẓid, kksen-iyi-d
ɣer tesiltt ad iyi-ẓmen,
Tatemunt tdeger-iyi-d
D ttaẓayt-is i yeẓayen,
Tatemunt tdeger-iyi-d
D ttaẓayt-is i yeẓayen,
Tabexsit tsaf-iyi-d
Aman armi d-uzagen,
Fell-i smaren-ten-id
D nekkini i yemmaren,
Kkaweɣ kan, ḍeqṛen-iyi-d
D amegruj ad sseṛɣen,
Zzit-nni ktalen-tt-id
Ma d amureǧ s iḥḍunen,
Mi kkaweɣ kan ḍeqṛen-iyi-d
D amegruǧ ad sseṛɣen,
Zzit-nni saferen-tt-id
Ma d amureǧ s iḥḍunen,
D azemmur leqḍen-iyi-d
ɣef zzit-iw i d iyi-leqḍen,
D azemmur leqḍen-iyi-d
ɣef zzit-iw i d-iyi-ḥemmlen,
ɣef zzit-nni d iyi-ḥemmlen
Zzit-iw d dwa n uqbayli,
Ad yedhen, ad yessisen,
Anida yedda ad tt-yawi,
Akal-nni i t-id-yurwen
D rriḥa-s ad as-d-ismekti,
D leqrun ur as-tt-beddlen
Wissen ma akken aqbayli-nni?
Akal-nni i t-id-yurwen
D rriḥa-s as d-ismekti,
D leqrun ur as-tt-beddlen
Wissen ma akken aqbayli-nni?