Deg lmut-ik a d-tlaleḍ
Alamma temmuteḍ
Ara ẓren medden lqima-k
Deg rwaḥ-ik a d-tuɣaleḍ
Alamma truḥeḍ
A ruḥen ad nadin fell-ak
Imiren ara tidireḍ
Asmi ara txaṣṣeḍ
Imiren ara d-iban wayla-k
Imiren ara tidireḍ
Asmi ara ten-txaṣṣeḍ
Imiren ara d-iban wayla-k
Asmi ara d-tezgiḍ akin
Ssya truḥeḍ dayen
Ad fakent ɣer medden tismin
Mi ara tfakeḍ gar wallen
Yal mi ara k-id-smektin
Ad nneẓmen, ad sḥissfen
Isem-ik a d-yeglu s meskin
Yal mi ara k-id-yebder yiwen
Di lmut-ik, di lmut-ik a d-tlaleḍ...
Yal yiwen ad as-iban yeɣfel
Yal yiwen ad as-iban iḍull
Kra n win i k-yarran d ccɣel
Kra n win i k-isεewjen lumuṛ
Win i k-ikerhen, ad ak-iḥemmel
Ul-is as-igan leɣruṛ
Ad k-iwali anda imuqel
Tenɣel tiṭ ma d ay teččuṛ
Di lmut-ik, di lmut-ik a d-tlaleḍ...
Taswiɛt ad texdem ccɣel-is
Ayen Kečč ur texdimeḍ ara
A d-terr i umeɣbun lḥeqq-is
Ad ttuɣerment tregwa
Wi iḍelmen ad yezzem iman-is
Win i indemen ur k-id-yetterra
Yal yiwen ayen yegza yiles-is
Ad as-d-ijbed lexyaḍa
Di lmut-ik, di lmut-ik a d-tlaleḍ...
Asmi ara a sen-d-teǧǧeḍ ilem
Deg wayen ǧǧan, yeǧǧa-ten lḥal
Mi ara ten-id-iqabel yilem
S yilem ad qablen lḥal
Ad ẓren i ixeddem yilem
Ad ẓren iɣdeṛ-iten lḥal
Ur ttafen ddwa i yilem
Ur ttafen ddwa i lḥal
Di lmut-ik, di lmut-ik a d-tlaleḍ...
Di lmut-ik, di lmut-ik a d-tlaleḍ...